Suivre nous ban ti conseils pou améliore to rélation ar to copain/copine. Si li pas améliorer meme, préferable to kit li partner !

1. Donne valeur saken so ban intêrets

Donne valeur saken so ban intêrets

Si to kontan kiken, prend ene l'intêret dans ban zafer ki li kontan. To kav fini par kontan meme zafer ou to kav découvert ki to pas détester li autant.

2. Fer ban ti zafer ki pou ena valeur pou li au lieu grand grand zes

Fer ban ti zafer ki pou ena valeur pou li au lieu grand grand zes

Ban ti zafer ki compter. Ene ti la marche la main dans la main après travail, ene coucher de soleil, ene ti rose, ou to simplement kav offert pou cuit manger ou nettoye lakaz azordi. Tousa ban façons pou to montrer li to l'amour.

3. Communiquer et pas peur pou deman li ki to bizin

Communiquer et pas peur pou deman li ki to bizin

Communication mari important dans ene couple. Si to pas p gagne c ki to bizin, koz ar to partner. Pas garde dans zouain pou li exploser après :)

4. To bizin ene ti peu moins jaloux/se

To bizin ene ti peu moins jaloux/se

Jalousie détruire ene ta couples. Si to trouver to jalousie p al en dehors cadre, probablement kitsoz manké pou toi dans rélation la ki faire toi feel insecure. Koz ar to partner.

5. Pas garde rancune

Pas garde rancune

Prive to partner de sexe zis akoz lin fane ene ti kk pas pou amen toi bien loin. Koz ar li plito. Explik li bien kuma lin hurt toi ek dire li pas re faire ca.

6. Comprend saken so background

Comprend saken so background

Nous tout vin avec nous bagages. Essaye met toi dans soulier to partner avant prend n'importe ki action.

7. Paye bill la twasi

Paye bill la twasi

Ene ta problem couple c'est akoz l'argent. Divise bill la en 2 dans n'importe ki zafer c'est meilleur façon pou to pas gagne ressentiment envers li.

8. Personne pas kone to rélation plus bien ki to em

Personne pas kone to rélation plus bien ki to em

Meme si to bien close ek to ban camarades, personne pas pou comprend to rélation plus bien ki to em. Alors kan banla p donne toi ban conseils, toujours prend li avec ene grain de sel. Faire to propre jugement.

9. Pas rod ban tips lor sexe dans magazines

Pas rod ban tips lor sexe dans magazines

Souvent ena ban quiz lor sexe dans ban magazines ou ban conseils ki pas pou tout dimoun. Avoy ferfout. Tout c ki to faire lor lili bizin vini avec plaisir ek naturellement.

10. To gagne droit gagne argument

To gagne droit gagne argument

Zot dire ene couple ki zamais gagne argument pena passion. Li vrai. Mais pas bizin reste laguerre pou ti zafer aster non plus. Balancer :)

YOUR REACTION?

Facebook Conversations