Neha, ene habitante Phoenix, in dépose ene action au civil contre Société Air France Ltd ek Air Mauritius Ltd pou ban humiliations ek préjudices ki lin subir. Li réclame 2 compagnies la Rs 25 millions conjointement.

Procès la pou débuter lé 26 janvier 2017. Neha* in réténir services avocats Sanjeev Teeluckdharry, Germain Wong Yuen Kook ek avoué Luvirajen Mootoosamy.

Neha ti ena pou al l'université dans Canada. Lin quitte aéroport SSR lor vol MK 0022 lé 3 novembre 2015 vers aéroport Charles-de-Gaulle, la France. Ensuite, li ti pou prend ene lot vol vers Montréal, Canada.

Pendant vol Maurice-Paris la, li ti p dormi. Soudain, lin senti ene liquid chaud p couler lor li. Lin lévé brite. Li trouve passager à côté li la p pisse lor li. Neha dire:

Mon sonne alarme pou demande l'aide. Ene hôtesse de l'air in vini ek mon raconte li kin arrivé. Li pan réagir. Mo ti sans défense. Lin nek amen papier pou essuye moi. Ek lin dire moi mo kav change place.

Neha dire ki zot pan même offert li ban linz rechange. Li dire:

Mon reste pendant 9 heures temps avec mo linz ki ti p senti pi pissar dans aéroport Charles-de-Gaulle. Mon embarque lor vol pou Canada dans même linz pou 7 heures temps encore.

Etudiante la dire ki lin porte plainte contre Société Air France ek Air Mauritius. Lé 3 décembre 2015, lin gagne 300 euros ar Société Air France. Neha in trouvé kouma banla pas ti p prend li seryé.

Pou Neha, ban compagnies la in commette ene gros négligence. Zot pan fourni li ene assistance adéquate alors ki li ti dans ene situation humiliante. Li dire ki li bizin suive ban traitements azordi pou faire face à traumatisme par ki lin passé.

* prénom modifié

YOUR REACTION?

Facebook Conversations




Latest Posts