Dépi maternelle ziska Form 4, Keshav Porahoo in passe so ban l'après-midi dans 'bedka' kot lin reste apran hindi. Azordi lin récompensé.

Nous compatriote mauricien, ene habitant L'Escalier, in score 'highest mark in the world' dans langage so ban ancêtres, hindi. Lé 20 juin dernier, lin recevoir so trophée l'université Maurice en présence Jane Henry, représentante l'université Cambridge.

Keshav in al Sookdeo Bissondoyal State College ziska Form 5. Ensuite lin al MGI. Li dire:

Hindi pou moi ene langage profondément ancré dans mo culture. Aussi longtemps ki mo rappelle, mo trouve mo parents p al mandir dans l'endroit. Moisi mo ti p aller pou faire la prière. Laba meme ti p faire ban classes hindi. Ti ena ene centaines zelev avec différent professeurs. Tout ban livres la sorti l'Inde. Ban l'examens la aussi corrigé dans l'Inde. Laba em mon compose Uttama 3 ki équivalent ene diplome dans hindi. Mon sorti premier ladans aussi.

Azordi Keshav koz anglais, français, hindi, bhojpuri ek sanskrit. Li près pou rentre université.

Mo Ti News souhaite li plein succès dans l'avenir.

YOUR REACTION?

Facebook Conversations




Latest Posts