Zainab, ene professeur 26 ans ki habite Curepipe, dire ki so ex-copain in publié so ban photos intimes lor internet.

YOUR REACTION?

Ene ban photos la.

Zainab* in gagne ene choc kan lin découvert so ban photos lor ene site X. Dépi ca, Zainab p vive dans la peur. Li peur ki so famille découvert ca ban photos la.

Zainab dire ki c'est so ex-copain ki ena 32 ans kin posté ca ban photos la. Zainab raconter ki lin zouen boug la en août 2016:

Mon zouen li lor Facebook. Noun content nous camarade bien vite. Nous ti p même pense pou fiancer la fin janvier.

Tout ti p passe bien entre 2 jeunes la ziska novembre dernier. Zainab so ex-copain so comportement in changé. Zainab dire:

Lin commence vin possessif ek zalou. Li ti p même agresse moi parfois. Lin vin kouma ene malade mental. Li pas ti p faire moi confiance, li ti p dire mo guette tou zom. Li ti p maltraite moi. Lin vin ene dimoune dégoûtant. Pas ti ena l'avenir avec li.

Zainab in décide pou prend conseil avec so parents. Li dire:

Mo parents in conseille moi quitte li. Mon dire li mo envi quitte li mais lin dire moi vin zouen li ene dernier fois Plaza lé 16 décembre. Lin demande moi pardon ek dire moi pas casser ar li. Lin dire moi li pou changer. Lin demande moi impé létemps. Mais mo pas ti prêt pou pardonne li. Li ti trop maltraite moi.

Dépi ca, boug la in commence harcèle Zainab. Zainab raconter:

Li pas ti p arrête call moi. Mo ti p évite li même. Après 1 semaine, lin avoy moi ene SMS, li dire moi mo pou gagne ene surprise bientôt. Lin dire moi li pou faire moi vin célèbre. Lin dire moi li pou faire tou dimounes koner ki kalité femme n'importe mo été ek ki kalité photos mo content faire. Li dire moi tou mo ban zelev bizin koner kouma mo été.

Zainab raconter ki au début li ti faire so copain confiance ek ti al dans pensionnat 3 fois avec li:

Mo ti ena confiance en li ek mo ti amoureuse. Kan nous ti dans pensionnat, lin prend mo ban photos avec so portable. Li ti promette moi ki li pou efface li après. Mais lé 2 janvier, lin call moi pou dire moi ki ban photos la déjà online. Li dire moi guette ban photos la lor tel site. Li dire ca tableau ca, bientôt film pou zouer.

Zainab in faire ban screenshots ban photos la ek al Cybercrime Unit dans Casernes centrales pou porte plainte contre so ex.

De so côté, boug la dire ki pas li kin faire ca. Li dire ki dimounes in cokain so portable dépi 1 mois ek ki kapav voleur la kin faire ca. Li aussi dire ki Zainab ti p garde ene ta zom lor Facebook.

* prénom modifié

Facebook Conversations




Latest Posts