Roseline, 49 ans, finn sap dans la mort. So mari in rode brile li sous influence l'alcool. C'est Roseline so ban zenfants kin sap li. La police in arrête so mari Judex P., 43 ans.

YOUR REACTION?

D'après Roseline* so version, li ti en dehors lakaz kan so mari in risse li endans ziska la cuisine. So mari ti sou. Roseline raconter:

Judex in avoy ene substance corrosive lor mo la tête. Li dire moi ki mo dernier zour ca ek li pou brile moi pou touy moi. Li finn allume cuisinière gaz. Mon commence criye au secours. C'est mo ban zenfants kin vin sauve moi.

La police Flacq in arrête Judex même zour. Judex nier ban allégations ki ena contre li:

Mo pas koner kifer Roseline p faire ca ban allégations la contre moi.

La police in place Judex en détention. Dimance, lin comparaîte devant Bail and Remand Court pou tentative de meurtre. La police in objecté pou remette li en liberté conditionnelle. Li toujours dans casso.

Roseline dire nous ki lin passe dans ene choc ca zour la:

Mo vive avec Judex dépi 25 ans ek c'est premier fois ki lin agir koumsa. Li ti mari sou. Nous ti gagne ene ti laguerre impé pli boner. Akoz ca ki Judex in faire ca ar moi.

Roseline ajouter ki souvent zot gagne laguerre:

Judex trop jaloux. Souvent nous gagne laguerre akoz so jalousie. Mais mo toujours pas p arriver croire ki lin rod touy moi akoz ene simple ti laguerre.

* prénom modifié

Source: Defimedia

Facebook Conversations




Latest Posts