Dépi impé létemps, ti ena ene rumeur lor Facebook comme quoi p vann la viande lichien dans ene snack ki trouve dans Plaines Wilhems. Gérants snack la in décide pou kozer azordi.

YOUR REACTION?

Jim ek Sarita

Jim ek Sarita gère ene snack dans Plaines Wilhems. Finn accuse zot lor Facebook de vann la viande lichien. Zot répliquer:

Ca zistoire la finn monté bout en bout par nous ban concurrents. Zot jaloux nous. Zot pas kav guette nous commerce p grandi ek pas pou zot.

D'après Jim, ca ban rumeurs la in cause so commerce ene tort immense:

Azordi, noun perdi plus ki 50 % nous clients. Ene lépok, snack la ti toultan rempli. Nous ti p même bizin refuse clients place pou manger.

Jim ajouter:

Kouma nous kav vann la viande lichien ? Eski c'est zis akoz mo d'origine chinoise ? Pourtant mo femme Sarita ene hindou. Ek nous ban clients vin de tous communautés. Parfois, ena clients ti p force nous ouvert même kan nous ti fini baisse shutters parski zot pas ti envi al mange lot place.

Jim invite so ban détracteurs call la police ek ban inspecteurs ministère la Santé:

Si vrai même noun faire ene zafer koumsa, kifer personne pan call la police ou sanitaire pou vin inspecter ek vérifier si nous faire ca kalité travail la. Péna auken preuves ki nous faire ca. Ek zamais dans nous la vie noun faire ca.

Département sanitaire Rose-Hill effectivement in confirme ar nous ki zot pan recevoir auken plainte concernant ca snack la.

Sarita dire ki azordi ena nek ban clients fidèles ki vin manger kot zot:

Azordi, nous reste zis ban clients fidèles. Zot dire nous ki dimounes kav raconte c ki zot oulé, zot pou continuer vin manger kot nous parski zot ena confiance en nous.

Azordi, Jim ek Sarita p atan ki CID faire zot l'enquête kouma bizin pou zot kav récommence vive normalement.

Source: Defimedia

Facebook Conversations




Latest Posts