Abdoolah Imtiaz Soyfoo, ene habitant Rivière-des-Anguilles ki ena 34 ans, in gagne batter ar ene policier samedi 28 janvier.

Abdoolah Imtiaz Soyfoo ti gagne ene lift ar ene so camarade motocycliste samedi tanto pou al acheter dipain. Lor chemin, ene policier ti faire zot signe pou arrêter mais camarade la pan arrêté. Lin quitte Abdoolah kot ene filling Total. Abdoolah raconter:

Policier la in vin lor filling la, li dire moi « to p foute la police ». Mo dire li mo d'accord mo camarade pan bien faire li pan arrêté, mais pas mo faute ca. Mo ti zis gagne ene lift moi. Li pan lé écoute nanyen. Lin commence batte moi. Mon gagne kout pied dans figir ek lor mo lécorps. Mo ti sans défense ek mon commence trouve noir. Ene chance public in vin aide moi.

Abdoolah ena ene maladie incurable. Li aussi souffert d'épilepsie. Li bizin marche avec ene canne. Abdoolah vive lor ene pension invalide.

Lundi 30 janvier, lin porte plainte contre policier la station la police Rivière-des-Anguilles ek Human Rights Commission. Abdoolah so ene proche dire:

Abdoolah p souffert. Li ene dimoune malade. Lin gagne batter sans auken raison.

Source: Defimedia

YOUR REACTION?

Facebook Conversations




Latest Posts